Thune har vore førstesekretær ved Direktoratet for statens skoger, konsulent i Justisdepartementets lovavdeling, vit.ass. ved Institutt for kriminologi og strafferett ved UiO, dommarfullmektig ved Midthordland sorenskrivarembete og konsulent hos Stortingets ombodsmann for forvaltninga.

I 1965 tok han graden Master of comparative law ved University of Illinois i Champaign Urbana i USA. Han var advokatfullmektig i Thommesen, Karlsrud, Heyerdal, Brunsvig.

I 1970 byrja han advokatforretning i Hønefoss og fullførte prøven for Høgsterett i 1972. Han var fast forsvarer for Ringerike tingrett og Eidsivating lagmannsrett, og var medlem av Advokatforeningens hovudstyre og Disiplinærutvalg.

I 1974 overtok han farsgarden i Valdres og dreiv den ved sida av advokatforretninga i 34 år. Thune avslutta advokatforretninga i Hønefoss i 2012 og har seinare arbeidd som frivillig advokat for Kreftforeningen.

Bøker og trening er hobbyar, og Birkebeinertrippelen, Vasaloppet og Marcialonga har stått på programmet. Dagen vert feira på Ringerike med kona Halldis, fire born og sju barneborn, med ektefellar og sambuarar.

Vi gratulerer!